Мареска: "Нима учун бир ҳолатда қизил, бошқасида эмас?"
"Челси" бош мураббийи Энцо Мареска "Арсенал"га қарши ўйинда Мойзес Кайседога кўрсатилган қизил карточкадан норозилигини билдирди. Унга кўра, "Тоттенхэм" ярим ҳимоячиси Родриго Бентанкур иштирокидаги ўхшаш вазиятда ("Челси"га қарши ўйинда) ҳакамлар бошқача қарор чиқаришган.
"Қизил карточка — бу қизил карточка.
Бир ҳолатда бундай қарор чиқарилиб, бошқа вазиятда нега берилмаслигини тушуниш қийин. Бентанкур ва Рис Жеймс ўртасидаги вазият ҳақида нима дейсиз? Нима учун бирида қизил берилади, бошқасида — йўқ?
Менимча, бугунги вазиятда аниқ қизил карточка бор эди. Лекин фарқ қаерда?" — деди Энцо Мареска "Sky Sports"га берган интервьюсида.



Comments