Марҳум Диогу Жотанинг хотираси Арне Слотни ҳайдалишдан қутқариб қолди

Англиянинг амалдаги чемпиони чемпиони “Ливерпуль” мавсумни расво ўтказаётгани боис бош мураббий Арне Слотнинг истеъфоси ҳақидаги хабарлар ва талаблар кўпайиб кетди.

TEAMtalk нашри бқори лавозимли манбасига таяниб, нидерландиялик мураббийнинг клубдаги келажагига оид инсайд маълумот чиқарди.

Унга кўра, “Ливерпуль” раҳбарияти айни дамда бош мураббий  Арне Слотни ишдан бўшатишни режалаштирмаяпти.

Инсайдерларнинг сўзларига кўра, клуб Диогу Жотанинг фожиали ўлимидан сўнг жамоа қийин даврни бошдан кечираётганини тушунади. Шунингдек, Юрген Клопп кетганидан кейин натижаларнинг вақтинча пасайиши мумкинлиги тахмин қилинган.

Шунга қарамай, агар муваффақиятсизликлар серияси давом этса ва жамоа яна уч-тўртта ўйинда мағлуб бўлса, вазият ўзгариши ҳам қайд этилган. Бундай ҳолатда 47 ёшли нидерландиялик мутахассиснинг келажагини муҳокама қилиш янада долзарб бўлади.

Шу билан бирга, Fenway Sports Group ҳали ҳам жорий мавсумни узоқ муддатли лойиҳанинг бошланғич босқичи сифатида кўрмоқда. Ўйинчилар мураббийни тўлиқ қўллаб-қувватлашни давом эттиряпти. Чемпионатнинг  қишки қисми жамоа ва бош мураббий келажагини  баҳолашда  асосий омил бўлади.

“Ливерпуль” раҳбария гарчи ҳозирги устозни қўллаб-қувватлаётган бўлса, унга ўринбосар ҳам топиб қўйди. Клуб зарур пайтда “Тоттенхэм” ва “Ноттингем Форест”ни бошқарган Ангелос Постекоглуга мурожаат қилмоқчи.