Машҳур таҳлилчи Шомуродовнинг яна бир устун жиҳатини эътироф этди

“Сочи” клуби таҳлилчиси Александр Веряскин жорий мавсумда Россия чемпионатидаги энг яхши футболчилар ҳақида ўз фикрларини билдирди.

Машҳур таҳлилчи чемпионатдан ўз имкониятлардан унумли фойдаланаётган ҳужумчилар ҳақидаги саволга жавоб берар экан, ўзбек ҳужумчиси Элдор Шомуродовнинг маҳоратини ҳам алоҳида тилга олди.

- Вазиятлардан унумли фойдаланаётганлардан Дзюбани айтиш мумкин. Лекин уни қулай имкониятга олиб чиқаётган ижрочиларнинг савияси юқори эканини ҳам таъкидлаш жоиз. “Ростов” ҳужумчиси Элдор Шомуродов ва “Крилья Советов”да ўйнаган Соболевнинг ҳам кўрсаткичлари ажобий, - деди россиялик эксперт.