Мбаппе Мессини “тахт”дан ағдара олмади

“Реал” ҳужумчиси Клиан Мбаппе Европа Чемпионлар лигаси умумий босқичининг иккинчи турида Қозоғистонда маҳаллий чемпион “Қайрат”га қарши ўтказилган учрашувни унутмайдиган бўлди.

Ўйинда хет-трик қайд этган футболчи “кўхна қитъа”нинг энг нуфузли мусобақасида ўрган голлари сонини 60 тага етказиб олди ва жамоасининг 5:0 ҳисобидаги ғалабасига катта ҳисса қўшди.

Мбаппе Чемпионлар лигасида 60 та гол урган иккинчи ёш ўйинчи бўлди. Шу куни мадридликлар юлдузи 26 ёшу 284 кунлик эди. Шунга қарамай,  Килиан ПСЖда ўзи билан бирга ўйнаган Лионель Мессининг рекордини янгилай олмади.

Аргетиналик футболчи Европада ўйнаб юрган кезлари 26 ёшу 86 кунлигида Чемпионлар лигасидаги 60-голини уришга эришган.

Таққослаш учун шуни инобатга олиш керакки, жаҳон футболининг энг зўр тўпурари Криштиану Роналду Европа Чемпионлар лигасида олтмишни голни 19 ёшу 21 кунлигида, Рауль Гонсалес 30 ёшу 237 кунлигида, Роберт Левандовски 31 ёшу 97 кунлигида киритган.