Мбаппе: Узринг камлик қилади!

Яқинда ПСЖда икки ҳужумчи Килиан Мбаппе ва Неймар ўртасида зиддият вужудга келгани ҳақида хабарлар тарқатилган экан.

Франциялик ҳужумчи ўтган мавсумда ҳам жамоадошларига босим ўтказгани фош бўлди. Ижтимоий тармоқларда Мбаппе марокашлик ҳимоячи Ашраф Ҳакимига эътироз билдирган видеолавҳа тарқалган.

Икки ўйинчи орасидаги суҳбат қуйидагича бўлган экан.

Мбаппе: Сен ўша вазиятни видеосини қайта кўр!

Ҳакими: Эътирозинг тўғри бўлса, узр сўрайман.

Мбаппе: Узринг етарли эмас. Сен менга гол учун яхши паслар оширишинг керак!

Килиан Мбаппенинг жамоадошлари билан муносабатлари ҳали ҳам зўр эмаслиги ҳақида маълумотлар бор. 23 ёшли ҳужумчи ПСЖда 2025 йилнинг ярмигача тўп тепиши керак.