Месси, ниҳоят, ўзидан зўр ўйинчи кимлигини айтди!

ПСЖ ҳужумчиси Лионель Месси бу мавсум “Реал” юлдузи Карим Бензема ўзидан зўр ўйнаганини тан олди.

Карим Бензема мавсумни ажойиб ўтказгани ва жамоасининг Чемпионлар лигасида ғолиб чиқишида асосий ролни бажаргани рад этиб бўлмас факт, деб ўйлайман. Мен бу гал “Олтин тўп” совринига ким лойиқ эканига шубҳа ҳам қилмайман, - деди Лионель Месси.

Карим Бензема мавсумда барча турнирларда 46 та учрашувда 44 та гол урди ва жамоадошларига 15 та голли пас узатди. Унинг ёрдамида Карло Анчелотти жамоаси Испания чемпионати ва мамлакат Суперкубоги, Европа Чемпионлар лигаси бош совринини қўлга киритди.

Бенземанинг ўзи 27 та гол билан Ла Лига ва 15 та гол урган ҳолда Чемпионлар лигаси тўпурари бўлди.