Месси “Интер Майами”да қанча ўйнайди?

АҚШ чемпионати вакили “Интер Майами” аргентиналик жаҳон чемпиони Лионель Мессини ўз сафига қўшиб олганини эълон қилди.

Энди томонларнинг ўзаро шартномаси деталлари ошкор қилиняпти.

Tyc Sports нашрининг ёзишича, Мессининг америкаликлар билан битими уч йилга мўлжалланган. Бироқ, Мессида икки мавсумдан кейин клубни эркин агент сифатида тарк этиш ҳуқуқи борлиги белгиланган.

Томонлар шартнома 2026 йилгача давом этишини истаса, у ҳалда яна ўзаро музокара олиб бориши керак бўлади.

Месси “Интер Майами” билан шартнома 1 июль куни имзолайди.