Месси умрида кўрмаган иш содир бўлди

Чемпионлар лигасининг чорак финалида “Бавария” футболчилари “Барселона”ни том маънода янчиб ташлади – 8:2.

Бу ҳар қандай ўйинда жамоасининг ғалабасини таъминлашга қодирлиги мақталган “Барселона” сардори Лионель Мессининг узоқ йиллик фаолиятида энг йирик ҳисобдаги мағлубият бўлди. Аргентиналик ҳужумчининг ўзи бирорта гол уролмади.

Бунгача Месси фаолиятидаги энг йирик мағлубият 2009 йили терма жамоада қайд этилганди. Ўшанда Аргентина кутилмаганда Боливияга 1:6 ҳисобида ютқазиб қўйган эди.