Месси ва Неймарсиз қўлидан ҳеч нарса келмайди!

ПСЖ ва Франция терма жамоасининг собиқ ҳужумчиси Кристоф Дюгарри парижликларнинг халқаро миқёсдаги натижалари учун бош мураббий Луис Энрикени қаттиқ танқид қилди.

Маълумки, ПСЖ Европа Чемпионлар лигаси умумий босқич бешинчи турида “Бавария”га ютқазиб қўйганди.

- Мен Луис Энрикени жамоага мажбуран 4-4-2 схемасини сингдираётганини, тўртта марказий ярим ҳимоячи ва олдинги чизиқда Брэдли Баркола ва Усмон Дембелени ўйнаётганини умуман тушунмайман. Бу ғоя унинг калласига қаердан келган?

Бош мураббий жамоага масъул, у ўйинчи танлайди, уларда иштиёқ уйҳотади. ПСЖда бирор мураббийда Луис Энрикечалик эркинлик бўлмаган.

Худди Луи ван Гаал ўз даврида ўзини ўта ақлли санаганидек, Луис Энрике ҳам ўзи ҳақида шундай, деб ўйлаяпти. Аслида бундай эмас.

Месси ва Неймар каби ўйинчиларсиз буларнинг қўлидан ҳеч нарса келмайди, - деди Кристоф Дюгарри.