Месси янгилик кутяпти

“Барселона” раҳбарияти ўзи тарбиялаган футбол юлдузи Лионель Мессини ортга қайтариш йўлларини қидирмоқда.

Маълумотларга қараганда, клуб мутасаддилари тез кунларда Ла Лига раҳбариятига аргентиналик жаҳон чемпионини ортга қайтриш бўйича ўз режасини тақдим этади.

Агар Ла Лига раҳбарияти “Барселона”нинг режасини маъқулласа, клуб Месси билан музокара бошлайди.

Испаниянинг Sport нашри “Барса”нинг таклифида катта суммалар кўрсатилмаслигини ёзмоқда. Шунга қарамай, каталонияликлар бу таклиф 35 ёшли футболчини қизиқтириши кутилмоқда.

Айрим манбалар каталонияликлар Месси билан бир йиллик шартнома тузишини ёзмоқда. Хави эса, ўзи билан бирга ўйнаган юлдузни жамоада кутиб олишга тайёр.