Мессининг ассистентини Англияга олиб келишмоқчи

“Фиорентина”да тўп тепаётган Николас Гонсалес тез орада фаолиятини Англия Премьер-лигасида давом эттириши мумкин.

Флоренцияликлар сафида Гонсалес саккизта учрашувда бешта гол урди ва битта ассист амалга оширди. Унинг уринишлари туфайли “Фиорентина” чемпионатда тўртинчи ўринда бормоқда.

Бу ҳужумчи Аргентина терма жамоасида Лионель Месси, Лаутаро Мартинес ва Хулиан Альварес билан ёнма-ён ўйнаяпти. 2026 йилги жаҳон чемпионати саралашида Гонсалес битта гол урди ва Мессига голли пас узатди.

Николас Гонсалесга “Ливепуль” ва”Челси” жиддий қизиқиш билдиряпти. 25 ёшли форвард учун инглизлар 55-60 миллион евро миқдорида харажат қилишга тайёр.