"Металлург" - "Истиқлол" ўртасидаги учрашувда ягона гол ўйин тақдирини ҳал қилди

Бекободнинг “Металлург” клуби режалаштирилганидек, кеча ўз майдонида Тожикистоннинг амалдаги чемпиони – “Истиқлол” жамоасига қарши назорат учрашувида иштирок этди.

Мазкур тўқнашувда ўйин тақдирини биргина гол ҳал қилди. Иккинчи бўлимнинг 55-дақиқаси ўтиб бораётган маҳалда Шервони Мабатшоев томонидан киритилган гол якунда “Истиқлол” жамоасига “Металлург” устидан ғалабани таъминлади.

Режага кўра, “Истиқлол” жамоаси навбатдаги ўйинини 21 июль куни Жиззахнинг “Сўғдиёна” жамоасига қарши ўтказса, 24 июлда Тошкентнинг “Локомотив” клуби билан ҳам назорат учрашувида майдонга тушиши кўзда тутилган.