"Металлург" икки футболчиси билан шартномани бекор қилди

Охирги плей-оффдаги ғалабасидан кейин аранг Суперлигада қолишни уддалаган “Металлург”да ўзгаришлар бошланди.

Яқинда клуб раҳбариятида ўзгариш юз берганлиги ҳақида маълум қилгандик. Эндиликда таркиб масаласида ҳам шундай ҳолат кузатилмоқда.

ЎзПФЛнинг маълум қилишича, “Металлург” клуби дарвозабон Раҳим Давронов ва ярим ҳимоячи Искандар Шойқулов билан тузилган меҳнат шартномаларини бекор қилганлиги ҳақида расмий хабар берилди.