"Милан" бош мураббийи: Ибрагимович - қафасдаги шер

"Милан" бош мураббийи Стефано Пиоли жамоа ҳужумчилари Златан Ибрагимович ва Оливье Жиру ҳақида гапирди.

“Златан қафасдаги шер, унда жамоага майдонда ёрдам бериш учун мотивация ва интилиш бор. У тез орада майдонга қайтишига умид қилмоқда. Эртага у Италия кубоги доирасида "Лацио"га қарши ўйнай олмайди.

Оливье майдонда ўзини кўрсата олади ва ўзидан сўралган ишни бажаради. У ажойиб футболчи ва ажойиб инсон. У жамоага ҳал қилувчи ёрдам берадиган кучли футболчи”, - дейди Пиоли.

Эслатиб ўтамиз, “Милан” – “Лацио” учрашуви 9 февраль куни Тошкент вақти билан соат 01:00 да бошланади.