"Милан"ни 11 ўйиндан бери мағлуб эта олишмаяпти (фото)

"Милан" клуби кеча "Болонья" билан ўз уйида дуранг натижа қайд этди. Бу орқали жамоа барча турнирлар доирасидаги мағлубиятсиз сериясини 11 ўйинга етказиб олди.

"Россонерилар" охирги марта "Специя"га 1:2 ҳисобида ютқазганди. Бу учрашув 17 январь куни бўлиб ўтган эди. Шундан сўнг, Стефано Пиоли шогирдлари 6 ғалаба ва 5 дуранг қайд этди. 

Маълумот ўрнида, "Милан"нинг кейинги ўйини "Торино"га қарши бўлиб ўтади. Учрашув 10 апрель куни ўтказилиши режалаштирилган.