Муҳаммад Салоҳ бошқа суперклубга ўтишга ваъда берди

“Ливерпуль” ҳужумчиси Муҳаммад Салоҳ клуб билан келаси йили тугайдиган шартномасини узайтирмаса ҳам навбатдаги мавсумни ҳозирги жамоаси сафида ўтказишини таъкидлаган эди.

Маълум бўлишича, мисрлик футболчи бежизга бундай қарорга келмаган.

Mirror нашри Муҳаммад Салоҳ “Ливерпуль” билан шартномасини тугатиб, келаси йили ёзда эркин агент мақомини олганидан кейин “Барселона” сафига ўтишни истаётгани ҳақида ёзмоқда.

Манбанинг хабар беришича, томонлар ўзаро ҳамкорлик бўйича ҳозирдан келишиб қўйган.

Муҳаммад Салоҳ ва “Ливерпуль” ўртасидаги янги шартнома бўйича сўнгги музокара маош масаласида томонлар келишувга эриша олмагани учун муваффақиятсиз якунланган.