МЮнинг ноябрь ойидаги энг яхши футболчиси аниқланди

"Манчестер Юнайтед" мухлислари ўртасида ноябрь ойининг энг яхши футболчисини аниқлаш мақсадида ўтказилган сўровнома натижалари маълум бўлди.

Унга кўра, португалиялик ярим ҳимоячи Бруно Фернандеш бешинчи маротаба ушбу унвонни қўлга киритди. Сўровномада иккинчи ўринни Фред банд этган бўлса, учинчи ўринни Харри Магуайр эгаллади.

Жорий мавсумда ушбу унвонни Бруногача Хуан Мата (сентябрь) ва Маркус Рэшфордлар (октябрь) қўлга киритган эди.