МЮнинг яна бир футболчиси Моуриньо сабаб жамоадан кетмоқчи

"Манчестер Юнайтед"нинг яна бир футболчиси бош мураббийи Жозе Моуриньо билан юзага келган можаро сабаб жамоадан кетмоқчи. Бу ҳақда The Times нашри хабар бермоқда.

Юқоридаги манбаага кўра эквадорлик ҳимоячи Антонио Валенсиянинг ҳам португалиялик мутахассис билан муносабатлари бузилган ва шу сабабли ҳам жамоада қолмоқчи эмас. Маълумотларга қараганда 33 ёшли футболчи МЮ раҳбариятидан январда ўзини трансферга қўйишларини сўраган.

Эслатиб ўтамиз, Валенсия жорий мавсум 7та ўйинда майдонга тушган. Унинг “Манчестер Юнайтед” билан амалдаги шартномаси эса жорий мавсум якунида ўз якунига етади.