"Навбаҳор" бугун бошлайди!

"Навбаҳор" жамоаси бу йилги илк ўқув-машғулот йиғинини бугундан бошлайди. Бу ҳақда клуб матбуоти хабар берди.
“Лочинлар” бугун пойтахтда йиғилиб, уч ҳафталик йиғин ўтказишади. Машғулотлар давомида асосий эътибор футболчиларнинг жисмоний ҳолатларини тиклашга қаратилади. Йиғин давомида ўртоқлик учрашувлари ўтказиш режалаштирилмаган.

Бироқ, машғулотларниг сўнгги ҳафтасида ўйинчиларнинг жисмоний ҳолатларидан келиб чиққан ҳолда, спарринг - рақиб танлаб, назорат-синов баҳси ўтказилиши ёки футболчилар иккига бўлинган ҳолда, ўзаро ўйин ўтказишлари ҳам мумкин. Тошкентдаги машғулотлар якунлангач, ўқув-машғулот йиғинини БААда давом эттириш режалаштирилган.