Неймарда "Барселона"дан кўра яхшироқ таклиф бор эди

ПСЖ ҳужумчиси Неймар "Сантос"дан "Барселона"га ўтишидан олдин Бразилиянинг "Коринтианс" клубига ўтишга яқин бўлган экан. Бу ҳақида футболчининг отаси Инстаграмдаги жонли эфир вақтида айтиб ўтди.

"Уларга Неймар трансфери учун етарли маблағ ажрата олмасликларини айтдим. Аммо Санчес менга оқ қоғоз бериб, "ёз" деди. Биз бу трансферни амалга оширишга яқин қолган эдик", - дейди катта Неймар.

Жорий мавсумда бразилиялик футболчи Франция чемпионатида ПСЖ сафида 15 та ўйинда майдонга тушиб, 13 та гол киритишни уддалади.