Неймарда зўр вариант бор

“Барселона” Лионель Мессини қўлдан чиқарганидан кейин уларда Неймарни ортга қайтариш варианти пайдо бўлди.

Бразилиялик футболчи 2013-2017 йилларда “Барса”да ўйнаган ва юлдузли онларини айнан Каталонияда ўтказган. ПСЖ ёзда 31 ёшли тўпурардан қутилмоқчи.

Diario Sport нашрининг ёзишича, Неймар “Барселона” мутасаддилари билан ҳамкорлик бўйича музокара ўтказишга тайёрлигини билдирган.

2017 йили ПСЖ Неймар учун “Барселона”га 222 миллион евро тўлаган. Бу ҳалигача рекорд трансфер ҳисобланади.

Неймар Каталонияга қайтиш учун маошини сезиларли даражада пасайтирилишига рози экани айтилмоқда.