Нуфузли нашр Ҳусановни "Реал", "Барса", "Челси", "Бавария" ва "Ливерпуль" юлдузларидан юқори баҳолади

Нуфузли "Тhe Athletic" нашри мутахассислари келаётган 2026 йилги жаҳон чемпионатида 1,200 дан зиёд иштирок этувчи футболчилар орасидан энг зўр 100 тасини саралаб, кучли юзталик рўйхатини шакллантиришди. 

Ушбу рўйхатнинг эътиборли жиҳати шундаки, ўз тарихида илк бор мундиалда иштирок этаётган Ўзбекистон терма жамоасидан фақат бир нафар футболчи ушбу рейтингдан ўрин олган. "Манчестер Сити" шарафини ҳимоя қилаётган ҳимоячимиз Абдуқодир Ҳусанов Такефусо Кубо, Матеуш Кунья, Кауро Митома, Гилберто Мора, Дин Хаусен, Александр Павлович, Уго Экитике, Родриго Гоэс, Эстевао, Николас Жексон, Марк Андре тер Штеген, Пау Кубарси, Эдуардо Камавинга ва Мартин Субименди каби футбол юлдузларини ортда қолдириб, рўйхатда 86-ўринни банд этди.

ОФК терма жамоалари аъзоларидан фақатгина Меҳди Тареми (51) ва Сон Хён Мин (37) Абдуқодирдан юқори поғоналардан жой эгаллашди. 

Кучли 10 таликда Килиан Мбаппе, Эрлинг Холанд, Ламин Ямал, Харри Кейн, Педри, Жуд Беллингем, Винисиус Жуниор, Лионель Месси, Кевин де Брюйне ва Жанлуижи Доннарумма киришди. 40 ёшли Португалия терма жамоаси сардори Криштиану Роналду бор йўғи 25-ўринга қўйилди.