Осиё тарихидаги энг қиммат футболчилар рейтинги билан танишинг! Ҳусанов нечанчи ўринда?

"Sports uz" сайти нуфузли Transfermarkt порталига таянган ҳолда Осиё қитъаси тарихидаги энг қиммат "Топ-5" футболчилар рейтингини тузиб чиқди. Рўйхатда ҳар бир мамлакатдан фақат битта футболчи танланган.

5-ўрин — Австралия терма жамоаси чап қанот ҳужумчиси Харри Кюэлл
Transfermarkt 2004 йилда Харри Кюеллнинг қийматини 20 миллион евро деб баҳолаган. Ўша даврда у “Ливерпуль” шарафини ҳимоя қилган.

4-ўрин — Эрон терма жамоаси ҳужумчиси Сардор Азмун
Азмун фаолияти давомида Европа қитъасининг бир қатор кучли клубларида (“Зенит”, “Байер Леверкузен”, “Рома”) тўп сурган. Унинг қиймати 2021 йилда “Байер” сафида 25 миллион еврога қадар кўтарилган.

3-ўрин — Ўзбекистон терма жамоаси ва “Манчестер Сити” ҳимоячиси Абдуқодир Ҳусанов
Transfermarkt экспертлари Хусановнинг қийматини жорий йилда 35 миллион евро деб белгилади. Маълумот учун, у 2024 йил қишки трансфер ойнасида Франциянинг “Ланс” клубидан “шахарликлар” сафига қўшимча бонуслар билан бирга 40 миллион еврога кўчиб ўтган.

2-ўрин — Япония терма жамоаси аъзоси Такэфуса Кубо
Испания Ла Лигасининг бир қатор клубларида ўйнаган Такэфуса Кубо 2023 йилда Transfermarktда 60 миллион евро қиймат билан қайд этилган. Ҳозирда “Реал Сосьедад” футболчиси бўлиб, унинг нархи 30 миллион еврога тенг.

1-ўрин — Осиё тарихидаги энг қиммат футболчи Сон Хён Мин
Узоқ йиллар Лондондаги “Тоттенхем” жамоасида тўп сурган Жанубий кореялик футболчи ҳозирда МЛСда фаолият юритмоқда. Transfermarkt Сон Хён Миннинг энг юқори қийматини 2020 йилда 90 миллион евро деб кўрсатган. Шу тариқа у Осиё тарихидаги энг қиммат футболчи сифатида қайд этилади.