Ўзбекистон Кубоги. “Бунёдкор” ўз майдонида “Нефтчи”ни таслим этди (видео)

Ўзбекистон кубоги чорак финал жавоб баҳсида “Бунёдкор” ўз майдонида “Нефтчи” билан куч синашди.

Беллашувда дастлаб фарғоналиклар гол уришга эришдилар. Аммо “қалдирғочлар” Вадим Абрамов шогирдларининг биргина голига уч бор жавоб қайтаришди.

Шу тариқа, икки ўйин натижаси 5:2 кўринишини олди ва Миржалол Қосимов жамоаси ярим финалга чиқди.

Қуйида ушбу учрашувда киритилган голларни томоша қилишингиз мумкин.