Пабло Андухарнинг омадсиз кунлари давом этмоқда

Испаниялик теннисчи Пабло Андухар Австралия очиқ биринчилигининг илк босқичида америкалик Майкл Ммога 1:6, 4:6, 4:6 ҳисобида имкониятни бой бериб қўйди.

Ушбу учрашув бир дақиқа кам икки соат давом этди. Ммонинг ушбу ғалабаси "Катта дубулға" туркумидаги мазкур мусобақанинг иккинчи давра йўлланмасини тақдим этди.

Фаолиятида илк маротаба "Australian Open" турнирининг асосий тўрида ютуққа эришган Ммо энди яна бир испаниялик теннисчи Роберто Баутист-Агут қарши ўйин ўтказади.