Пара пауэрлифтинг: Осиё-Океания очиқ чемпионати якунланди

Жанубий Кореянинг Пхёнтхэк шаҳрида пара пауэрлифтинг бўйича бўлиб ўтган Париж-2024 ёзги Паралимпия ўйинларига муҳим рейтинг очколари берувчи Осиё-Океания очиқ чемпионати ўз якунига етди.

Эътиборлиси, вакилларимиз ушбу мусобақада 10 та бронза, 10 та кумуш ва 2 та олтин, жами 22 та медалга сазовор бўлди. Қитъамизнинг 26 та давлатидан 300 га яқин спортчи иштирок этган Осиё-Океания очиқ чемпионатида терма жамоамиз умумжамоа ҳисобида Хитой ва Эрондан сўнг 3-ўринни эгаллади.

Нуфузли мусобақада муваффақиятли иштирок этган пара пауэрлифтингчиларимиз 22 июнь куни юртимизга қайтиб келишади.