"Пахтакор" - "Истиқлол" учрашувини қайси ҳакам бошқариши маълум бўлди

Узоқ йиллик танаффусдан сўнг яна Осиё Чемпионлар лигаси гуруҳ босқичини муваффақиятли якунлаб, кейинги босқичга чиққан “Пахтакор” эртага 26 сентябрь куни 1/8 финалда Эроннинг “Истиқлол” клубига қарши майдонга тушади.

“Пахтакор” – “Истиқлол” учрашуви Аҳмад Абу Бакар Саид Ал-Каф бошчилигидаги оманлик ҳакамлар бригадасига ишониб топширилди. Шу куни Ал-Кафга қанотларда ҳамюртлари Ал-Амри Абу Бакар Салим Маҳад ҳамда Рашид Ҳамад Али Ал Гаити ёрдам беради.

“Пахтакор” – “Истиқлол” беллашуви Тошкент вақти билан соат 22:45 да бошланади.