Почеттино “Манчестер Юнайтед”га юлдузларни танлай бошлади

ПСЖни бошқараётган Маурисио Почеттино унинг хизматларига қизиқиш билидираётган “Манчестер Юнайтед” ёзда қайси ҳужумчини трансфер қилиши лозимлигини айтди.

The Telegraph нашрининг маълум қилишича, аргентиналик мутахассис манчестерликларга “Тоттенхэм” тўпурари Ҳарри Кейнни олишни тавсия қилган. Бу ҳужумчига “Юнайтед”нинг ашаддий рақиби – “Манчестер Сити” ҳам бир неча мавсумдан бери тинимсиз оғиз солмоқда.

“Тоттенхэм” хўжайини Даниэль Леви ўтган ёзда Ҳарри Кейнни Хосеп Гвардиолага 130 миллион еврога бермади. Ҳужумчининг ўзи клуб раҳбариятидан анча аразлаб юрди.

Жорий мавсумда Ҳарри Кейн 20 та учрашувда бешта гол урди холос. Унинг самарадорлигида пасайиш кузатилмоқда.