ПСЖ "Атлетико" юлдузини нишонга олди

Франциянинг ПСЖ клуби " Атлетико Мадрид" футболчиси Хулиан Альваресни сотиб олиши мумкин.

Хабарларга кўра, парижликлар аргентиналик футболчининг ўйинларини синчковлик билан кузатиб бормоқда. Унинг ўйини Луис Энрикенинг тактикасига мос келади деб ҳисобланяпти. Футболчини ПСЖ бош мураббийининг шахсан ўзи жамоада кўришни истаяпти. Манба маълумотларига кўра,  25 ёшли футболчини "матрасчилар" 120 миллион еврога сотиб юборишга тайёр. "Transfermarkt" портали футболчини 100 миллион еврога баҳоламоқда.

Маълумот учун, "Spider-man" жорий мавсумда умумий 15 та ўйинда майдонга тушиб, 9 та гол уриб 4 та голли узатмани амалга оширди.