ПСЖ "Реал"га кетиши мумкин бўлган Мбаппени қийин аҳволда қолдирди

Килиан Мбаппе келаси мавсум қайси жамоа таркибида ўйнаш ҳақидаги қарорини ҳали маълум қилиб улгургани йўқ.

ПСЖ раҳбарияти клуб юлдузини мавсум сўнгига қадар кутмоқчи эмас. Улар мавҳумликдан чарчаган. Клуб президенти Носир Ал-Ҳелайфи франциялик футболчига 1 ойдан камроқ вақт берди.

Испан матбуотининг ёзишича, Мбаппе март ойи ўрталарида якуний қарорини айтиши керак бўлади. Агар Килиан бундай қилмаса, ПСЖ унга янги шартнома таклиф этмайди ва ҳеч қандай музокараларда қатнашмайди.

Парижликлар 23 ёшли футболчига ҳафтасига 1,2 миллион евро маош кўрсатилган 2 йиллик битим таклиф этмоқда.