ПСЖ суперклубдан Неймарни олишни сўраяпти

ПСЖ раҳбарияти Неймарни тезроқ сотиб юборишни режалаштирган. Парижликлар асосий эътиборни Килиан Мбаппе ва Лионель Месси атрофида қуриладиган янги лойиҳага қаратмоқчи.

Клуб мутасадилари моашлар фондини қисқартириш учун Неймардан воз кечишга тайёр. Бразилиялик юлдуз йилига 50 миллион евро атрофида пул олади.

Неймар мавсум тугаши билан бошқа жамоага ўтиши кутилмоқда. Асосий даъвогарлардан бири сифатида “Челси” эътироф этилган. Буни инобатга олган ПСЖ хўжайинлари “аритократлар”га бразилиялик ҳужумчини олишни таклиф қилди.

ПСЖ харидордан ёзда амалга ошадиган келишувни январь ойидаёқ расмийлаштириб қўйишни сўраяпти. Агар Тодд Бёли бу таклифни қабул қилса, 100 миллион евро атрофида харажат қилишига тўғри келади.

Неймарга “Манчестер Сити”, “Манчестер Юнайтед”, “Барселона”, “Реал” ва “Ювентус” ҳам қизиқиш билдираётгани ҳақида хабарлар бор.