ПСЖ тез орада Мбаппе борасида "Реал" билан боғланади

Франциянинг ПСЖ клуби тез орада ҳужумчи Килиан Мбаппени сотиш учун "Реал" билан боғланиши мумкин. Журналист Андрес Онрубиа Рамоснинг маълумотларига кўра, парижликлар энди вазиятни тушунган ва Мбаппе фақат "Реал Мадрид"га ўтишни истаётганини билади.

Аввалроқ ПСЖ Килианни "Ал-Ҳилол"га 300 миллион еврога сотишга рози бўлганди. Футболчининг ўзига имидж ҳуқуқларини ҳисобга олган ҳолда йилига 700 миллион евро маош таклиф қилди, бироқ Мбаппе Саудия Арабистонига ўтишдан бош тортди.

Шартнома муддати бир йилдан кейин тугашини ҳисобга олиб, "Реал Мадрид" Килиан учун катта миқдорда товон пули тўлашга тайёр эмас.