ПСЖнинг янги бош мураббийи маълум бўлди

ПСЖ айни дам янги бош мураббий қидирмоқда. Аввалроқ, клуб Юлиан Нагельсманн билан келиша олмаганди. Шунингдек, ушбу лавозимга бир нечта номзодлар бор эди. Эндиликда жамоани ким бошқариши деярли аниқ бўлди. 

Франциянинг бир қатор нашрлари хабарига кўра, парижликлар Луис Энрике билан келишувга эришиб бўлган. У ПСЖ бош мураббийига айланишга яқин турибди.

Испаниялик мутахассис АПЛда ҳам ишлаши мумкин эди. Унга "Тоттенхэм" ва "Челси"дан қизиқишлар бўлди, лекин Луисга таклифлар маъқул келмади. 

Маълум бўлишича, Энрике ҳозирнинг ўзидаёқ клубдан кетадиган футболчилар ва қилиниши керак бўлган трансферларни белгилаб қўйган.