Рафаэль Надаль яна терма жамоага ёрдам берди

Испания ва Уругвай терма жамоалари Австралияда ўтаётган "ATP Cup" турнирининг гуруҳ босқичи иккинчи даврасида ўзаро рақобатлашди.

Унда Роберто Баутиста-Агут яккалик баҳсларининг илк даврасида Франко Ронкаделлини 6:1, 6:2 ҳисобида енгди.

Иккинчи учрашувда дунёнинг энг кучли теннисчиси Рафаэль Надаль эса Пабло Куэвасни 6:2, 6:1 ҳисобида мағлубиятга учратди.

Шу тариқа, Испания ва Уругвай терма жамоалари учрашуви 2:0 ҳисобида якунланди.