Рақибига тупурган Дуглас Коста жиддий жазога тортилди

Туриннинг "Ювентус" клуби ярим ҳимоячиси Дуглас Коста А Сериянинг 4-турида "Сассуоло"га (2:1) қарши кечган баҳсида рақиб футболчиси Федерико Ди Франческонинг юзига тупургани учун жиддий жазога тортилди.

Football Italia нашри тарқатган хабарга қарагандаА Серия тартиб-интизом қўмитаси 28 ёшли футболчини нақд 4та ўйинга дисквалификация қилди. Унга кўра Коста чемпионатнинг "Фрозиноне", "Болонья", "Наполи" ва "Удинезе" жамоаларига қарши ўйинни ўтказиб юборади.