Рашидов "Қувайт СК"даги илк расмий ўйинини ўтказди

Яқинда “Қувайт СК” клубидаги фаолиятини бошлаган ҳамюртимиз Сардор Рашидов янги жамоасидаги дастлабки расмий ўйинда иштирок этди.

Гап шундаки, Қувайт Амир Кубогининг 1\8 финал доирасида Рашидов жамоаси “Ал Сахел” клубига қарши баҳс олиб борди.

Мазкур қарама-қаршиликда “Қувайт СК” 1:0 ҳисобида ғалаба қозониб, кейинги босқичга йўлланмани қўлга қиритди. Сардор Рашидов эса расмий беллашувдаги дебютини асосий таркибда бошлади ва 80 дақиқа давомида майдонда тўп тепди.