Расман! Давид Алаба "Реал" футболчисига айланди

"Реал" ўзининг расмий сайти орқали "Бавария"нинг собиқ ҳимоячиси Давид Алаба билан шартнома имзолаганини эълон қилди.

28 ёшли австриялик футболчи мадридликлар сафига эркин агент сифатида келиб қўшилди. Алаба “Реал” билан 2026 йилга қадар шартнома имзолагани айтилмоқда.

Бундан аввалроқ Алаба “қироллик клуби”да солиқлардан ташқари йилига 12 миллион евро маош олиши ҳақида хабарлар тарқалган эди.

Давид Алаба якунланган мавсум “Бавария” сафида жами 44 та ўйин ўтказди. У ушбу учрашувларда 2 та голга муаллифлик қилди.