“Реал”, юлдузингни жўнат, 85 миллион евро берамиз!

“Арсенал” Англия Премьер-лигаси чемпионлигига эришиш учун таркибини янада кучайтириш йўлидан борадиган бўлди. 

“Канонирлар” анчадан бери жамоанинг ҳужумкорлигини оширадиган ўйинчи қидиряпти. Todofichajes нашрининг маълум қилишича, Лондон клуби нишонига “Реал” юлдузи тушди. 

Гап 24 ёшли универсал ҳужумчи Родриго Гоэс ҳақида кетмоқда. Микель Артета бразилиялик футболчи жамоани кучайтира олишига ишоняпти. 

Клуб мутасаддилари имкон топилса, бу трансферни ёзда амалга оширмоқчи. Англияликлар Родриго учун Мадрид суперклубига 85 миллион евро тўлашга тайёр. 
Родриго жорий мавсум барча турнирларда 35 та ўйин ўтказиб, 12 та гол ва тўққизта ассист муаллифи бўлди. Унинг “Реал” билан тузган шартномаси 2028 йилнинг ярмигача давом этиши белгиланган.