“Реал” бўлмаса, бошқаси! Мбаппе Англиядан кутилмаган жамоани танлади

ПСЖ ҳужумчиси Килиан Мбаппе атрофидаги вазият янада чигаллашиб бормоқда. Парижликлар 24 ёшли тўпурарни бепул қўлдан чиқармоқчи эмас.

Асосий даъвогар сифатида “Реал” тилга олинмоқда. Бироқ, Мбаппе сотиб юбориладиган бўлса, мадридликларда ПСЖ талаб қилаётган суммани тўлаш имконияти бўлмайди.

Килиан Мбаппенинг ўзи Англиядан ўзига мос жамоа танлаб қўйди. Гарчи франциялик ҳужумчини “Ливерпуль” ва “Манчестер Юнайтед” кутаётган бўлса-да, ўйинчининг ўзи Англиядан фақат “Арсенал”га боришини таъкидлади. Бу ҳақда таниқлик журналист Мигель Дилэйни хабар тарқатди.

Манбанинг таъкидлашича, Мбаппега испаниялик мурабби Микель Артета амалга ошираётган лойиҳа жуда маъқул келади.