“Реал” бу ёз трансферларга қанча маблағ сарфлади?

Ўтган мавсумда Испания чемпионлигини ашаддий рақиб – “Барселона”га бой берган “Реал” клуби ёзги трансферлар даврида таркибини кучайтиришга эришди.

“Қироллик клуби” катта маблағ эвазига “Борнмут” Дин Хёйсенни, “Бенфика”дан Альваро Каррерасни, “Ливерпуль”дан Трент Александер-Арнольдни ўз сафига қўшиб олди. Август ойида “Ривер Плейт” ўйинчиси Франко Мастантуоно Хаби Алонсо ихтиёрига келади.

Умумий ҳисобда, мадридликлар янги ўйинчиларга 178 миллион евро сарфлади. Бу охирги олти йилдаги энг юқори кўрсаткич бўлди.

Ўтган мавсумдаги натижалар “Қироллик клуби”ни таркибда жиддий ўзгаришлар қилишга ундади. Жамоа “Барселона”га чемпионлик унвонини топшириб қўйганидан ташқари, Испания кубоги ва Суперкубогида ҳам каталонияликларга ютқазиб қўйди.