“Реал”: Бу юлдузни олсак, клубимиз “синади”!

“Реал” раҳбарияти анчадан бери “Боруссия”дан Жуд Беллингемни трансфер қилишни режалаштираётган эди. 19 ёшли футболчининг ўзи ҳам Мадридга кўчиб ўтишга мойиллик билдирган.

Бироқ, сўнгги паллада “Қироллик клуби” бу қимматбаҳо футболчини олиш фикридан қайтди.

Marca нашрининг ёзишича, “Реал” Жуд Беллингем трансферини амалга оширса, клубнинг молиявий барқарорлиги издан чиқади ва кутилмаган муаммолар келиб чиқиш эҳтимоли кескин ошади.

Чунки, Беллингемни трансфер қиладиган клублардан дортмундликлар 150 миллион евро бадал пули талаб қилмоқда. Бундан ташқари, Беллингемнинг ўзига ҳам юқори даражадаги маош тўланиши керак.