“Реал” “Манчестер Юнайтед”нинг энг зўр футболчисини олмоқчи

“Реал” мутасаддилари ёзда жамоа таркибини кучайтириши мумкин бўлган футболчилар рўйхатини тузмоқда. Мадридликлар “Манчестер Юнайтед” плеймейкери Бруну Фернандешни нишонга олди.

Манбаларнинг таъкидлашича, “Қироллик клуби” бу ўйинчини  у “Спортинг”да ўйнаб юрган даврлардан бери кузатиб келар экан.

Манчестерликлар бу ярим ҳимоячини 2020 йили 63 миллион еврога трансфер қилган эди. 28 ёшли футболчининг ҳозирги нархи 75 миллион еврони ташкил қиляпти.

Фернандеш Англия премьер-лигасида 13 та учрашувда майдонга тушиб, иккита гол ва битта ассист қайд этди.