"Реал" мухлислари учун нохуш хабар

“Реал” ҳимоячиси Марсело жароҳат олди. Бу ҳақда клуб расмий сайти хабар тарқатмоқда.

Юқоридаги манбага кўра, 32 ёшли бразилиялик футболчи мушакларидан олган жароҳат сабаб Ла Лигада мавсумнинг қолган қисмини ўтказиб юбориши мумкин. Унинг соғайиши учун шифокорлар тахминан 3 ҳафта муддат талаб этилишини айтишмоқда.

Марсело жорий мавсум “Реал” сафида 23 та ўйинда майдонга тушди ва 2 та гол ҳамда 5 та голли узатмага муаллифлик қилди.