“Реал”: Винисиус кетавер, ўрнингга супертўпурарлар бор!

“Реал” раҳбарияти Винисиус Жуниорнинг ўрнига кўп гол ура оладиган форвард қидирмоқда. Гап шундаки, бразилиялик футболчи билан янги шартнома борасида келишув музокаралари охирига етгани йўқ.

24 ёшли футболчининг майдонда қилиқлари, провокациялари, турли зиддиятларга берилувчанлиги  клуб мутасаддиларини безовта қиляпти. Қолаверса, Саудия Арабистони клублари ва ПСЖ Винисиус учун мўмай сумма таклиф қилмоқда.

Вазиятни инобатга олган “Қироллик клуби” Винисиуснинг ўрнини босишга қодир уч нафар юқори савияли ҳужумкор футболчи топиб қўйди. Улар билан танишинг:

Виктор Дьёкереш – кейинги мавсумларда кўп гол ураётган ҳужумчи жисмоний қуввати, аниқ зарбалари, универсаллиги билан ажралиб туради.

Рафаэль Леау – “Милан” юлдузи “Реал” ўйин услубига идеал даражада мос тушиши айтилмоқда. Унинг устунлиги тезлик ва бирга бир вазиятлардан унумли фойдаланишида кўзга ташланади.

Виктор Осимхен – ёзда трансфери бозорида асосий нишона бўладиган тўпурар “Реал” хўжайини Флорентино Пересни жуда қизиқтириб қўйган.