"Реал"да декабрь ойининг энг яхши футболчиси аниқланди

"Реал Мадрид"нинг ҳужумкор ярим ҳимоячиси Браим Диас декабрь ойида жамоанинг энг яхши футболчиси деб топилди. Бу ҳақда "қироллик клуби" матбуот хизмати хабар берди.

Декабрь ойида 24 ёшли футболчи барча турнирларда бешта ўйин ўтказиб, иккита гол урди ва битта голли узатмани амалга оширди. "Реал" Ла Лиганинг 18-туридан кейин 45 очко билан пешқадамлик қилмоқда.

Эслатиб ўтамиз, 3-январь куни "қаймоқранглилар" Испания чемпионатининг 19-тури ўз стадионида "Мальорка"ни қабул қилади.