Рэшфорд "Эл-класико"га "Барса"ни тайёрлиги ҳақида гапирди

"Эл-класико" олдидан "Барселона" ҳужумчиси Маркус Рэшфорд жамоанинг ҳолати ва кайфияти ҳақида ўз фикрларини билдириб ўтди. Ла Лига 10-туридан ўрин олган "Реал" - "Барселона" учрашуви якшанба куни "Сантяго Бернабеу"да бўлиб ўтади.

"Ҳозир энг зўр спорт спорт формамизда эмасмиз, лекин шунда ҳам жисмоний ҳолатимиз яхши. Биз ўзимизнинг энг яхши версиямизни кўрсатиш учун ишлашда давом этишимиз керак. Шундай қилсак, дунёдаги энг яхши жамоалардан бирига айланамиз.

Биз ижобий кайфиятни сақлаб қолишни истаймиз ва буни амалга оширишнинг энг яхши усули кўплаб голлар билан [Олимпиакос устидан - 6:1] ғалаба қозониш эди", - деди "Барселона" форварди.