Рис Жеймс: "1 очко олганимиз мени хафа қилди"

"Челси" жамоаси капитани Рис Жеймс "Арсенал"га қарши дербидан кейин ўйин ҳақида фикр билдирди. АПЛнинг 13-туридаги беллашув 1:1 ҳисобида якунланди. "Аристократлар" 38-дақиқадан бошлаб Мойсес Кайседонинг майдондан четлатилиши туфайли бир киши кам ўйнашга мажбур бўлди.

Жеймснинг сўзларига кўра, жамоа бир очко олганидан норози:

"Албатта, фақат бир очко олиб кетганимиз хафа қилади. Ўйиннинг бошидаёқ бир киши кам қолдик ва бу ишни қийинлаштирди.

Ҳамма кўряпти — биз қаердамиз ва нима учун курашаётганимизни. Бугунги ўйин жиддий баёнот эди. Ғалаба қозонишни истаганмиз, лекин ижобий жиҳатлар жуда кўп.

Жамоа қаттиқ меҳнат қиляпти, мураббийлар штаби улкан таҳлил қилди ва бизни тўғри кайфиятга келтирувчи, рақибга имкони борича кўпроқ қийинчилик яратишга ундаб турувчи ишларни бажарди.

Сариқ карточкалар сонига қараб, яна бир қизил карточка чиқадими, деб ўйладим. Бу Лондон дербиси — ҳамма ғалаба қозонишни истайди.

Сўнгги йилларда "Арсенал" юқори поғонада бўлди. Уларга қарши ўйнаш осон эмаслигини яхши биламиз. Уларнинг таркиби кучли, лекин биз ўз ўйинимизни ўйнашга ва тўпсиз ҳолатда ҳам уларни қийин вазиятга солишга ҳаракат қилдик.

Мен жамоамдан фахрланаман. Бугунги беллашув жуда кескин ўтди. Бир очко олдик ва йўлимизни давом эттирамиз", — деди Рис Жеймс "Sky Sports"га берган интервьюсида.