Роналду Аллегри билан учрашди

"Ювентус" ҳужумчиси Криштиану Роналду Турин клубига қайтган бош мураббий Массимилиано Аллегри билан учрашув ўтказди. Бу ҳақда ESPN нашри хаба тарқатмоқда.

Юқоридаги манбага кўра, учрашувда 36 ёшли португалиялик футболчининг жамоадаги келажаги муҳокама қилинган. Аммо шу билан бирга, Роналдунинг агенти мижозига бошқа жамоа қидириш ишларини давом эттирмоқда.

Роналду ўтган мавсум "Ювентус" сафида жами 44 та ўйинда иштирок этди ва ўз ҳисобига 36 та гол ҳамда 4 та голли узатма ёздириб қўйди. Унинг клуб билан амалдаги шартномаси 2022 йилнинг ёзига қадар имзоланган.

Бундан аввалроқ Роналдунинг “Манчестер Юнайтед”га қайтиши мумкинлиги ҳақида хабарлар тарқалган эди.