Роналду Европага қайтмоқчи, унга жамоа ҳам тайёр

Саудия Арабистони чемпионатида“Ан-Наср” шарафини ҳимоя қилаётган Криштиану Роналду ўзининг дастлабки жамоаси – “Спортинг” клубига қайтиш имкониятини жиддий ўрганиб чиқмоқда.

Португалия клуби ёзда ўзининг асосий тўпурари Виктор Дьёкерешни Европанинг гранд клубларига катта нархга сотиб юбормоқчи. Клуб швед футболчиси ўрнини айнан Криштиану Роналду билан тўлдирмоқчи.

Fichajes нашрининг ёзишича, Криштиану Роналдунинг асосий мақсади 2026 йилги жаҳон чемпионатида иштирок этиш. Мундиал 40 ёшли футболчи учун халқаро фаолиятидаги охирги катта мусобақа бўлади.

Роналду жаҳон чемпионатига юқори спорт формада етиб бориш учун Европа футболига қайтиш вариантини ўрганиб чиқяпти.

“Спортинг” ўзи тарбиялаган юлдузга Европа миқёсидаги мусобақаларда ҳам яна ўзини кўрсатиш имконини беришга тайёр. Экспертларнинг таъкидлашича, бу трансфернинг амалга ошиш имконияти тобора ошиб бормоқда.