Роналду норози бўлишга ҳақли!

“Манчестер Юнайтед”нинг собиқ футболчиси Рио Фердинанд жамоа ҳужумчиси Криштиану Роналду ҳақида фикр билдирди.

- Роналду норози бўлишга ҳақли. Ғалаба қозонишга кўниккан, ҳар доим совринларни кўзлаган ва улар учун курашишга ўрганган ўйинчи келаси мавсум бу имкониятлардан мосуво бўлса, норози бўлиши табиий.

Роналду Чемпионлар лигасида ўйнамаслигидан норози, у ҳатто Европа лигасининг мадҳияси қандай эканини ҳам билмайди.

Шундай экан, у клубдаги ишларга эътироз қилиши ва ҳатто кетиб қолиши ҳам мумкин, - деди Рио Фердинанд.

Криштиану Роналду “Манчестер Юнайтед” машғулотларида иштирок этмаяпти. Машҳур ҳужумчи ўз юртида индивидуал тарзда шуғулланмоқда.